Bakı şəhəri, Nizami rayonunda qeyri-adi yol-nəqliyyat hadisəsi baş verib. Bu haqda məlumat 28 mart tarixində sosial şəbəkələrdə yayılıb.
Facebook sosial şəbəkəsinin istifadəçisi xəbər verir ki, Babək prospektində “Lada Jiquli” markalı avtomobil təkəri ilə açıq quyuya ilişərək çıxa bilməyib və bu vəziyyətdə qalıb.
Yaxınlıqda olan sürücülər maşını çuxurdan çıxarmağa kömək edib, digər avtomobillərin quyuya düşməsinin qarşısını almaq üçün “lyuk”un ağzını taxtalar və daşlarla bağlayıblar.
Həmçinin istifadəçi qeyd edir ki, açıq lyuk yağış sularının axıdılması üçün nəzərdə tutulub.
