Bakının Nizami rayonu, Elşən Süleymanov küçəsində xəsarətlərlə nəticələnən yol-nəqliyyat hadisəsi baş verib. Bu haqda bu gün, 3 mart tarixində APA məlumat verir.
“Mercedes” markalı avtomobilin sürücüsü idarəetməni itirərək eyni istiqamətdə hərəkət edən “Nissan”a çarpıb. Avtomobillər dövrə vurduqdan sonra dayanıb, hər iki nəqliyyat vasitəsi deformasiyaya uğrayıb. İki nəfər xəsarət alıb. Xəsarət alanlar təcili tibbi yardımının köməkliyi ilə xəstəxanaya yerləşdirilib.
Qəza ərazisinə polis əməkdaşları cəlb olunublar, avtomobillər cərimə meydançasına yerləşdirilib. Hadisə ilə bağlı avtoekspertiza təyin olunub. Fakt araşdırılır.
[caption id="attachment_92699" align="alignnone" width="640"]
Foto Apa.az saytı[/caption]
