Bakının Nizami rayonu, Qara Qarayev prospektində yerləşən evdən 2000 manatlıq oğurluq edilib. Bu haqda bu gün, 19 iyul tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Polisə müraciət edən evin sahibi iyulun 13-də 2000 manat dəyərində televizor, 3 ədəd qol saatı və bəzək əşyalarının oğurlanması barədə məlumat verib.
Nizami RPİ 24-cü Polis Şöbəsi əməkdaşlarının keçirdikləri əməliyyat tədbiri nəticəsində əməli törətməkdə şübhəli bilinən Bakı şəhər sakinləri, əvvəllər məhkum olunmuşlar - Nicat Qoçəliyev və Emil Əliyev saxlanılıblar.
Araşdırma zamanı onların iyulun 12-də həmin ərazidəki evlərin birindən 400 manat dəyərində velosiped oğurlamaları da müəyyən olunub.
