Nəsimi rayonu, “Papanin” adlanan ərazidə təmir işləri problemlər yaradır. Bu haqda bu gün, 13 aprel tarixində Bakuplus.az ATV-yə istinadən xəbər verir.
Cəlil Məmmədquluzadə və Novruzov qardaşları küçələrinin arasında yerləşən ərazidə artıq 1 həftədir qaz xəttinin çəkilməsi üçün qazıntı işləri aparılır. Ancaq təmir aparılan yerdə heç bir xəbərdaredici işarə quraşdırılmayıb. Bu da sürücülər üçün problemlər yaradır.
“İşarə olsa idi, yaxşı olardı. Gəldiyim yolu indi məcbur geri qayıdıram. İlişib qalırıq burada”, – deyə sürücülər şikayət edirlər.
“Azəriqaz”dan işlərin 1 həftə ərzində yekunlaşacağı bildirilib.
Ekspertlər isə deyiblər ki, qazıntı işləri aparılan zaman mütləq Dövlət Yol Polisinə məlumat verilməlidir.
