Bakıda iki avtomobil toqquşub.
Oxu.az xəbər verir ki, bu barədə görüntülər sosial şəbəkədə yayılıb.
Bakı Şəhər Dövlət Yol Polisi İdarəsinin (BŞDYPİ) baş inspektoru, polis baş leytenantı Rüstəm Əhmədli bildirib ki, hadisə 23:00-da Yasamal rayonunda, Bəşir Səfəroğlu və İslam Səfərli küçələrinin kəsişməsində qeydə alınıb.
Belə ki, 90-SY-187 dövlət qeydiyyat nişanlı “Renault” markalı avtomobil ilə 77-PV-677 dövlət qeydiyyat nişanlı “Toyota” markalı avtomobil toqquşub.
Qəza nətcəsində bir nəfər xəsarət alıb.
Faktla bağlı araşdırma aparılır.
