Bakının Qaradağ rayonunda 15 mart axşam saatlarında İran vətəndaşı ağır qəza törədib. Hadisə nəticəsində 3 nəfər dünyasını dəyişib. Bu haqda bu gün, 16 mart tarixində Report məlumat verib.
39 yaşlı İran vətəndaşı Hüseyn Pormehrəlinin idarə etdiyi "Hovo" markalı yük avtomobili Əliyev Eynulla Xeyrulla oğlunun idarə etdiyi "QAZ A65R32-80” markalı mikroavtobusa çırpılıb. Sonuncuda olan sərnişinlər 21 yaşlı Babaşah Qəribov, 38 yaşlı Qayıb Zeynalov və 38 yaşlı Məhəmməd Qaraşov aldıqları xəsarətlərdən yerindəcə vəfat ediblər.
Faktla bağlı Daxili İşlər Nazirliyinin İstintaq və təhqiqat İdarəsi tərəfindən araşdırma aparılır.
