Bakının Nizami rayonunda psixotrop dərmanlar üçün saxta reseptlər hazırlayan dəstə üzvləri saxlanılıblar. Bu haqda bu gün, 20 noyabr tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Aparılan əməliyyat nəticəsində paytaxt sakinləri – 24 yaşlı Qulu Salmanov, 37 yaşlı Əli Balayev, 37 yaşlı Müşviq Şahbazov və 36 yaşlı Əzizə Əliyeva saxlanılıblar.
Onlarda 350 ədəd preqabalin, 600 ədəd tramadol olmaqla ümumilikdə psixotrop tərkibli 950 ədəd həb və külli miqdarda metamfetamin aşkar edilib.
Əliyeva evində hazırlanmış saxta reseptləri dəstə üzvlərinə təqdim edərək psixotrop vasitələrin qanunsuz dövriyyəsinin əldə edilməsinə və təşkilinə şərait yaradıb. Faktla bağlı cinayət işi açılıb.
[caption id="attachment_120381" align="alignnone" width="640"]
Foto Daxili İşlər Nazirliyi[/caption]
