Bakıda polisin iki uşaq anasını qətlə yetirməsi barədə təfərrüatlar məlum olub. Bu haqda BakuPlus.az Qafqazinfo-ya istinadən bu gün, 6 may tarixində xəbər verir.
Məlumata əsasən, Xəzər Rayon Polis İdarəsinin müstəntiqi, polis mayoru T. Aslanov Günay Cabbarovanı ondan ayrılmaq istəməsinə görə öldürüb.
Hadisədən əvvəl T.Aslanov Xəzər Rayon Polis İdarəsində növbətçi qrupda olub və aprelin 21-dən 22-nə keçən gecə Günayla əlaqə saxlayıb. Səhər saatlarında isə polis zabiti xidməti silahını götürərək idarəni özbaşına tərk edib və birbaşa Mərdəkan qəsəbəsindən Nərimanov rayonu, Qarabağ küçəsinə - Günay Cabbarovanın yaşadığı mənzilə gedib.
O, Günaya 3, daha sonra isə özünə 1 dəfə atəş açıb. Hər iki şəxs hadisə yerində vəfat edib.
Daxili İşlər Nazirliyinin Tibb İdarəsinin əməkdaşı olan və həkim-uroloq kimi çalışan G.Cabbarova ilə Tural Aslanov arasında bir neçə il əvvəl münasibət yaranıb. Daha sonra cütlük arasında problemlər başlayıb. Buna səbəb isə Günayın Turaldan ayrılmaq istəməsi olub.
