Bakıda piyada Dövlət Yol Polisi (DYP) əməkdaşına məhəl qoymayaraq yol hərəkəti qaydasını kobud şəkildə pozub. Müvafiq video sosial şəbəkələrdə yayılıb.
Hadisə sürət həddinin 90 km/saat olduğu Zuğulba şosesində avtomobillərdən birinə quraşdırılmış videoqeydiyyat kamerası vasitəsilə lentə alınıb.
Göstərilən magistral yolda hərəkətin sıxlığına baxmayaraq, qadın piyadalar üçün təyin olunmayan yerdə keçərək az qala yol qəzasına səbəb olub. Qadın əməlini həmin an yolun digər tərəfində olan DYP əməkdaşını görməsinə baxmayaraq törədib.
Bakı Şəhər Baş Dövlət Yol Polisi İdarəsinin rəsmisi, polis mayoru Araz Əsgərlinin sözlərinə görə, kobud qayda pozuntusuna yol verən piyada cərimələnib.
