Bakının Xəzər rayonu, Qala qəsəbəsində avtomobil qaçırılıb. Bu haqda bu gün, 4 dekabr tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Qəsəbə ərazisində yerləşən avtomobil təmiri sexlərinin birindən “Ford” markalı avtomobilin qaçırılması ilə bağlı polisə məlumat daxil olub. Xəzər RPİ 1-ci Polis Şöbəsi əməkdaşlarının keçirdikləri tədbirlər nəticəsində əməli törətməkdə şübhəli bilinən orada işləyən Bakı şəhər sakini, əvvəllər məhkum olunmuş H.İsmayılov saxlanılıb.
Araşdırma zamanı onun noyabrın 5-də həmin sexdən “VAZ-2107” markalı digər avtomobili qaçırması da müəyyən olunub. Faktla bağlı araşdırma aparılır.
