Bakının Qaradağ rayonunda yanğın hadisəsi qeydə alınıb. Bu haqda bu gün, 22 yanvar tarixində Fövqəladə Hallar Nazirliyinin (FHN) mətbuat xidməti məlumat yayıb.
Belə ki, ümumi sahəsi 250 kv.m olan evin bir otağında olan yanar konstruksiyalar və ev əşyaları külə dönüb. Hadisə yerinə yanğınsöndürmə briqadası cəlb olunub, yanğın FHN əməkdaşları tərəfindən söndürülüb. Hadisə nəticəsində xəsarət alan olmayıb.
Daha öncə, bu gün Bakıda 2 yanğın baş verib: Nəsimi rayonunda yarımtikilidə naqillərin və “Life center” çoxmərtəbəli binanın 11-ci mərtəbəsində mənzilin alışması qeydə alınmışdır.
