Bakının Qaradağ rayonunda TIR-ın kabinəsi və ön təkərləri yanıb. Bu haqda bu gün, 30 may tarixində Fövqəladə Hallar Nazirliyinin (FHN) mətbuat xidməti məlumat verib.
Hadisə yerinə FHN əməkdaşları cəlb olunub. “Renault” markalı nəqliyyat vasitəsinin qalan hissəsi və yük yerinə yığılan 20 ton un alovdan mühafizə olunub, yanğın söndürülüb. Hadisə zamanı xəsarət alan olmayıb.
Daha bir oxşar hadisə 29 may tarixində Xətai rayonunda baş verib. “Mercedes” markalı minik avtomobilinin mühərrik hissəsində elektrik avadanlıqları yanıb. Yanğın FHN-in əməkdaşaları tərəfindən söndürülüb.
