Bakı-Qazax yolunda, Qaradağ qəsəbəsi ərazisində ağır yol-nəqliyyat hadisəsi nəticəsində iki nəfər dünyasını dəyişib. Bu haqda APA 21 mart tarixində məlumat yayıb.
Hadisə saat 10:15 radələrində Bakı dairəvi yolunun 13-cü kilometrliyində baş verib. “Azpetrol” MMC-yə məxsus olan “MAN” markalı yük avtomobilini idarə edən Səbuhi Şəfiyev yol ayırıcının dəmir arakəsmələrinə çırpılaraq əks yola çıxıb. Bu zaman avtomobil əks tərəfdə hərəkət edən “Mercedes” markalı mini avtomobilinə çırpılaraq aşıb.
Nəticədə, minik avtomobilində olan iki nəfər - 35 yaşlı sürücü Musa Almazov və 26 yaşlı sərnişin Mehdi Əsgərli aldıqları xəsarətlərdən yerində dünyasını dəyişiblər. Yük avtomobilinin sürücüsü isə xəsarət alıb. Qeyd olunur ki, hadisə zamanı “MAN”ın sürücüsü sərxoş vəziyyətdə olub.
Faktla bağlı araşdırma aparılır.
[caption id="attachment_37809" align="alignnone" width="800"]
Foto Apa.az saytı[/caption]
