Paytaxtın Qaradağ rayonunda adam bıçaqlayaraq qətlə yetirən şəxsin hökmü barəsində apellyasiya işinə baxılıb. Bu haqda bu gün, 2 dekabr tarixində Report məlumat yayıb.
Məhkəmənin qərarına əsasən, təqsirləndirilən şəxsin şikayəti təmin edilməyib. O, 11 il 6 ay müddətinə azadlıqdan məhrum edilib.
8 oktyabr 2020-ci il tarixində Bakı şəhər sakini 38 yaşlı Tofiq Əlixanov Müşfiqabad qəsəbəsi ərazisində Qobustan rayon sakin 40 yaşlı Məqatil Zeynalovu bıçaqla öldürüb.
Həmçinin, sonuncunun həmyerlisi 23 yaşlı Murad Bəhramov ağır yaralarla xəstəxanaya yerləşdirilib.
Hadisə anı təhlükəsizlik kameralarında lentə alınıb. Qətlin iki şəxsin arasında baş vermiş mübahisə səbəbindən olduğu müəyyən edilib.
