Bakının müxtəlif rayonlarında yanğın baş verib. Bu haqda 6 may tarixində Bakuplus.az Fövqəladə Hallar Nazirliyinə istinadən xəbər verir.
Qaradağ rayonunda “Mitsubishi” markalı minik avtomobilinin idarəetmə löhvəsi, mühərrik hissəsi və ön təkərləri yanıb. Hadisə yerinə FHN əməkdaşları cəlb olunub. Avtomobilin qalan hissəsi yanğından mühafizə olunub. Yanğın mühafizə bölmələri tərəfindən söndürülüb.
Daha bir yanğın Sabunçu rayonunda qeydə alınıb. Ümumi sahəsi 70 kv.m olan birmərtəbəli evin mətbəxində 3 kv.m sahədə ev əşyaları və 1 ədəd kondisioner yanıb. Həmçinin yüksək temperaturdan 1 ədəd paltaryuyan maşın qarsalanıb.
Yanğın FHN əməkdaşları tərəfindən söndürülüb və evin qalan hissəsi mühafizə olunub.
