Qaradağ rayonu, “Qobu Park” yaşayış komplekslərində sahibsiz itlərin taleyi necə olacaq? Bu haqda bu gün, 8 mart tarixində Bakuplus.az Baku TV-yə istinadən xəbər verir.
Bir neçə gün əvvəl adıçəkilən ərazidə itlər azyaşlı uşağa hücum edərək ona xəsarət yetirmişdi. Bu da sakinlərin ciddi narahatlığına səbəb olub.
“Bakıdakı bütün yiyəsiz itləri bura töküblər. Heç bir tədbir görülməyib. Binanın arxasında itlər doludur. Heç kim maraqlanmır”, – deyə sakinlər bildirirlər.
Mənzil Kommunal İstismar sahəsinin nəzarətçisi məsələ ilə bağlı bildirib ki, “Qobu Park-1” və “Qobu Park-2” yaşayış komplekslərində itlərin hamısı tutulub. “Qobu Park-3”-də isə hələ ki tədbir görülməyib.
“Hamısını apardıq. Burada itləri saxlayanlar var, hamısının yuvasını dağıtdıq, təmizlətdik. Əvvəlcə 12, sonra daha 6 it və 10 bala apardıq”, – deyə nəzarətçi qeyd edib.
