Bakının Qaradağ rayonu, Qobustan qəsəbəsində narkotik aşkarlanıb. Bu haqda bu gün, 17 fevral tarixində Bakuplus.az Daxili İşlər Nazirliyinə (DİN) istinadən xəbər verir.
Keçirilən tədbir nəticəsində narkotik vasitələrin satışı və dövriyyəsi ilə məşğul olan Bakı şəhər sakini, 35 yaşlı Emin Vəliyev saxlanılıb. Ondan 5 kiloqram 369 qram marixuana, 245 qram tiryək və 100 ədəd metadon həbi aşkarlanaraq götürülüb.
Saxlanılan şəxs narkotikləri İran vətəndaşı vasitəsilə rayon ərazisində gizlədilən yerdən götürərək müxtəlif şəxslərə çatdırıb pul qazanmaq məqsədilə əldə etdiyini bildirib.
Faktla bağlı cinayət işi başlanıb, saxlanılan şəxs barəsində həbs qətimkan tədbiri seçilib. İstintaq davam edir.
