Paytaxtın Sabunçu rayonunun Ramana qəsəbəsindəki 90 nömrəli orta məktəbin ikinci sinif şagirdi Məmmədzadə Təranə gözündən ağır zədə alıb. Bununla bağlı sosial şəbəkələrdə müvafiq görüntülər yayılıb. Bu haqda bu gün, 27 noyabr tarixində Bakuplus.az məlumat verir.
Bildirilir ki, hadisə ilə bağlı valideynlər polisə müraciət ediblər.
Məktəbdən verilən məlumata görə, uşaq noyabrın 7-də qaçarkən digər uşaqla toqquşub. Həmçinin bildirilir ki, məktəb rəhbəri tərəfindən hadisə barədə vaxtında məlumat vermədiyinə görə ibtidai sinif müəlliminin izahatı alınaraq ona töhmət verilib.
Sabunçu Rayon Prokurorluğu tərəfindən məsələ ilə bağlı araşdırma aparılıb, hadisənin təsadüf nəticəsində baş verdiyi barədə rəy verilib.
Daxili İşlər Nazirliyindən təqdim olunan açıqlamada qeyd olunub ki, şagirdin göz nahiyəsinin xəsarət faktında qəsd aşkar olunmayıb. Müəyyən edilib ki, hadisə məktəbin akt zalında digər şagirdin ona dəyməsi nəticəsində baş verib.
