Bakının Səbail rayonunda oğurluq hadisəsi baş verib. Bu haqda bu gün, 15 iyul tarixində Bakuplus.az Daxili İşlər Nazirliyinə (DİN) istinadən xəbər verir.
Polis şöbəsinə verilən məlumata görə, “Mercedes” markalı avtomobildən mobil telefon oğurlanıb.
Polis əməkdaşlarının keçirdikləri tədbirlər nəticəsində oğurluqda şübhəli bilinən, əvvəllər də eyni əmələ görə məhkum olunmuş İlqar Səfərli saxlanılıb.
Onun “Ford” markalı daha bir avtomobildən mobil telefon oğurlaması da müəyyən edilib. Faktla bağlı araşdırma aparılır.
