Səbail rayonunda 28 yaşlı gəncin faciəvi ölümü ilə bağlı cinayət işi açılıb. Bu haqda 17 dekabr tarixində Report məlumat yayıb.
Səbail rayonu, Bayıl qəsəbəsi, Əhəd Yaqubov küçəsində dekabrın 16-sı saat 11 radələrində “İndigo” MMC-yə məxsus mətbəədə operator vəzifəsində işləyən Xəyyam Təhməzov iş yerində ölüb.
Məlum olub ki, kağızları kəsmə avadanlığı işlək vəziyyətdə olduğu zaman, içində qalan kağızları çıxarmaq məqsədilə Təhməzov baş və əl nahiyəsini aparatın içinə salıb. Nəticədə başı və əli hidravlik presin arasında qalıb və aldığı xəsarətlərdən hadisə yerində keçinib.
Faktla bağlı Cinayət Məcəlləsinin “Əmək mühafizəsi qaydalarını pozma ehtiyatsızlıqdan insan ölümünə səbəb olduqda” maddəsi ilə cinayət işi başlanılıb. İş üzrə istintaq davam edir.
