Səbail rayonunda neft quyusundan kabel oğurlamaq istəyən şəxs saxlanılıb. Bu barədə 8 oktyabr tarixində Oxu.az xəbər verib.
Səbail rayonu, “20-ci sahə” yaşayış massivində gecə saatlarında 3 nəfər işlək neft quyusundan elektrik naqillərini oğurlamağa cəhd ediblər. Oğrular Elçin Əzizov küçəsində mühafizəçilər tərəfindən aşkarlanıblar. 2 nəfər hadisə yerindən qaçıb, Astara rayon sakini Azər Əlizadə isə polis bölməsinə aparılıb.
Müəyyən olunub ki, onlar 20-ci sahə ərazisində yaşayırlar. Faktla bağlı araşdırma davam edir.
