Səbail rayonunda narkotik alverinə qarşı əməliyyat keçirilib. Bu haqda bu gün, 3 iyul tarixində Bakuplus.az Daxili İşlər Nazirliyinə istinadən xəbər verir.
Keçirilən əməliyyat zamanı əvvəllər məhkum olunmuş 38 yaşlı Rəşad Şahbazov, 32 yaşlı Ramik Babayev, sonuncunun tanışı, 31 yaşlı Taleh Məmmədyarlı, 23 yaşlı Xəyal Məlikov və 25 yaşlı Fərid Şahverdiyev saxlanılıblar. Onlarda ümumilikdə 16 kiloqram marixuana, heroin, tiryək və 35 ədəd ekstazi həbi aşkarlanıb.
Şübhəli şəxslər narkotikləri İran vətəndaşından satış məqsədilə əldə etdiklərini bildiriblər.
Faktla bağlı cinayət işi açılıb. Araşdırmalar davam edir.
