Səbail rayonunda mağazadan ümumi dəyəri 24 min manat olan 9 ədəd mobil telefon oğurlayan şəxs saxlanılıb. Bu haqda BakuPlus.az DİN-in mətbuat xidmətinə istinadən bu gün, 22 noyabr tarixində xəbər verir.
Rayon ərazisində mobil telefon və məişət əşyalarının satıldığı mağazalardan birinin pəncərəsini qıraraq orada olan 9 ədəd müxtəlif markalı mobil telefonu oğurlamaqda şübhəli bilinən əvvəllər məhkum olunmuş Kamil Fərəcov saxlanılıb.
Oğurlanan mobil telefonların dəyəri 24 min manat olub.
Faktla bağlı araşdırmalar davam etdirilir.
