Səbail rayonunda avtoxuliqanlıq edən xanım sürücü tutulub. Bu haqda bu gün, 1 aprel tarixində Bakuplus.az Daxili İşlər Nazirliyinə istinadən xəbər verir.
“BMW” markalı, 90-XZ-012 dövlət qeydiyyat nişanlı avtomobilin xanım sürücüsü rayon ərazisində kobud qayda pozduğu üçün saxlanılıb. Araşdırma zamanı onun avtomobili etibarnamə olmadan, eləcə də standartlara uyğun olmayan nömrə ilə idarə etdiyi məlum olub.
Məhkəmənin qərarı ilə xanım sürücü 1 il sürücülük hüququndan məhrum edilməklə 750 manat məbləğində cərimə olunub. Həmçinin barəsində inzibati tədbir görülməklə avtomobil müvəqqəti duracağa yerləşdirilib.
