Bakının Səbail rayonunda yanğın hadisəsi baş verib. Bu haqda bu gün, 2 may tarixində Bakuplus.az Fövqəladə Hallar Nazirliyinə (FHN) istinadən xəbər verir.
Alışma ümumi sahəsi 160 kv.m olan ikimərtəbəli evdə qeydə alınıb. 5 otaq və qarajdan ibarət tikilinin 1-ci mərtəbəsində yerləşən qarajın yanar konstruksiyaları 20 kv.m sahədə və 2-ci mərtəbəsində bir otağın döşəməsi 2 kv.m sahədə yanıb.
Əraziyə FHN-in əməkdaşları cəlb olunublar. Yanğından sonra ərazidə 1 nəfərin meyiti aşkarlanıb. Cəsəd aidiyyəti üzrə təhvil verilib. Bitişik evlər yanğından mühafizə olunub. Yanğın söndürülüb.
Hadisə ilə əlaqədar müvafiq qurumlar tərəfindən araşdırma aparılır.
