“Sədərək”dəki yanğın qəsdən törədilibmiş. Bu haqda bu gün, 11 yanvar tarixində Bakuplus.az Baş Prokurorluğa istinadən xəbər verir.
Aparılan araşdırma zamanı Bakı şəhər sakini Əfqan Abdullayevin yanğını qəsdən törətməsi barədə şübhələr yaranıb. Şübhəli şəxs saxlanılıb. Onun barəsində cinayət işinə başlanılıb.
8 yanvar tarixində saat 18:00 radələrində paytaxtın Qaradağ rayonunda yerləşən “Sədərək” ticarət mərkəzində yanğın başlamışdı. Nəticədə ümumi sahəsi 800 kv.m olan 27 mağazaya külli miqdarda ziyan dəyib, xəsarət alanlar olub.
