15:33 - Yenilənib
Baş vermiş yanğın hadisəsi nəticəsində ümumi sahəsi 280 kv.m olan kafenin dam örtüyü 30 kv.m sahədə, eləcə də yaxınlıqda yerləşən köməkçi tikili 28 kv.m sahədə alışıb.
Bundan əlavə, hər birinin tutumu 1 ton olan dizel ilə dolu 40 ədəd plastik çəllək, “Mercedes” markalı yük avtomobili və banında plastik çəlləklərdə olan 10 ton dizel yanıb.
Yanğın söndürülüb.
11:06 - Səngəçal qəsəbəsində yanğın başlayıb
Paytaxtın Qaradağ rayonu, Səngəçal qəsəbəsində yanğın başlayıb. Bu haqda bu gün, 14 dekabr tarixində Bakuplus.az Fövqəladə Hallar Nazirliyinə istinadən xəbər verir.
Alışma qəsəbədə yerləşən yanacaq-sürtkü məhsulları saxlanılan anbarda başlayıb.
Hadisə yerinə FHN-in əməkdaşları cəlb olunublar. Yanğınsöndürmə işləri davam edir.
