Aşağı qiymətə turistik paketlərin satışını təşkil edəcəyi adı altında vətəndaşları aldadan şəxs saxlanılıb. Bu haqda bu gün, 23 noyabr tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Polisə daxil olan çoxsaylı müraciətlərə görə, həmin şəxs ölkə daxilində aşağı qiymətə tur paketlərin satışını təşkil edəcəyi adı altında insanlardan pul alıb. Aparılan araşdırma zamanı məlum olub ki, əməlləri 29 yaşlı Abşeron rayon sakini Elmin Dadaşov törədib. O, sosial şəbəkələrdə turizm şirkəti səhifəsi yaradaraq zərərçəkənlərin pulunu onlayn yolla əldə edib və sonradan ələ keçirdiyi pul vəsaitərini ödəniş sistemləri vasitəsilə nağdlaşdırıb.
Suraxanı Rayon Polis İdarəsinin 32-ci Polis Bölməsinin əməkdaşları tərəfindən aparılan əməliyyat tədbirləri nəticəsində Dadaşov saxlanılıb və istintaqa cəlb olunub.
Faktlarla bağlı araşdırmalar davam etdirilir. E. Dadaşovun əməllərindən zərər çəkən şəxslər bu barədə polis orqanlarına müraciət edə bilərlər.
[video width="1920" height="1080" mp4="https://bakuplus.az/storage/photos/2023/11/razmer.mp4"][/video]
