Paytaxtın Sabunçu rayonunda narkotik alverinə qarşı əməliyyatlar keçirilib. Bu haqda bu gün, 11 mart tarixində Bakuplus.az Daxili İşlər Nazirliyinə istinadən xəbər verir.
Keçirilən əməliyyatlar zamanı Maştağa qəsəbə sakini Malik Qədimov saxlanılıb. Onun üzərində və yaşadığı evdə 5 kiloqrama yaxın marixuana aşkar edilib.
Daha sonra onun başçılıq etdiyi narkoşəbəkənin 5 üzvü tutulub. Həmin şəxslərdən hazır bükümlər şəklində külli miqdarda heroin, metamfetamin və marixuana götürülüb.
Keçirilən digər əməliyyat zamanı Savalan yaşayış massivində narkotik alveri ilə məşğul olan Elnarə Ələkbərova tutulub. Onun yaşadığı evdə 17 ədəd kibrit qutusunda qablaşdırılan marixuana, eləcə də 9 büküm heroin və metamfetamin aşkar olunub.
Aşkar olunan faktlarla bağlı araşdırmalar davam edir.
[URIS id=93685]
