Bakının Sabunçu rayonu ərazisində fevral ayı ərzində narkotiklərin qanunsuz dövriyyəsi ilə məşğul olan 81 nəfər saxlanılıb. Bu haqda bu gün, 2 mart tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Əməliyyatlar Bakıxanov, Balaxanı, Ramana, Zabrat, Bilgəh, Pirşağı Kürdəxanı, Maştağa qəsəbələri və digər ərazilərdə keçirilib. Saxlanılan şəxslər arasında bir neçəsi əvvəllər də eyni cinayətlər etdikləri üçün, yəni narkotiklərin qanunsuz dövriyyəsini təşkil etdikləri üçün məhkum olunmuş şəxslərdir. Həmin şəxslərin üzərində, yaşadıqları evlərdə 21 kiloqram heroin, marixuana və psixotrop maddə olan metamfetamin aşkar edilib.
Həmçinin məlum olub ki, həmin şəxslər rayon ərazisində evlərdən və obyektlərdən oğurluq ediblər. İstintaq tədbirləri davam etdirilir.
