11:55 - Yenilənib
Xəsarət alanlar Nərimanov Tibb Mərkəzinin nəzdində olan Yanıq Mərkəzinə yerləşdiriliblər. Dördünün də vəziyyəti orta ağırdır. Yaralılar üz, boyun, əl və ayaqlarında ikinci və üçüncü dərəcəli termiki yanıq diaqnozları ilə mərkəzin Reanimasiya şöbəsində müalicə alırlar.
11:31 - Sabunçu rayonunda partlayış olub
Bakının Sabunçu rayonu, Şəhər şosesi, döngə 2 ünvanında yerləşən evdə partlayış baş verib, 4 nəfər xəsarət alıb. Bu haqda bu gün, 31 yanvar tarixində Qafqazinfo məlumat verib.
Qaz sızması nəticəsində baş vermiş partlayışın təsirindən evin pəncərələri qırılıb, sanitar qovşağının tavanı çöküb. Evdə olan Pakistan vətəndaşları - 38 yaşlı Masih İmtiaz, 35 yaşlı Ali Muhammed Faisal, Hindistan vətəndaşları - 32 yaşlı Phulprit Sinqh və 21 yaşlı Prem Saqar müxtəlif xəsarətlərlə xəstəxanaya çatdırılıblar.
Həmin kişilərin Odlar Yurdu Universitetinin tələbələri olduğu və həmin evdə kirayə yaşadıqları bildirilib. Hadisənin təfərrüatları araşdırılır.
