Bakının Sabunçu rayonunda silsilə oğurluq hadisələri baş verib. Bu haqda bu gün, 2 aprel tarixində Bakuplus.az Daxili İşlər Nazirliyinə (DİN) istinadən xəbər verir.
Polis şöbəsindən verilən məlumata əsasən, naməlum şəxs müxtəlif vaxtlarda 15 evə girərək pul, qızıl-zinət və digər qiymətli əşyaları oğurlayıb.
Sabunçu Rayon Polis İdarəsi (RPİ) 14-cü Polis Şöhəsi əməkdaşlarının keçirdikləri tədbirlər nəticəsində əməli törətməkdə şübhəli bilinən əvvəllər dəfələrlə məhkum olunmuş Şamo Əhmədov saxlanılıb.
Dindirmə zamanı saxlanılan şəxsin evləri talayarkən kimliyini gizli saxlamaq üçün parikdən istifadə etdiyi müəyyən olunub. Ş.Əhmədov oğurladığı zinət əşyalarını satdığını bildirib.
Faktla bağlı araşdırma aparılır.
[caption id="attachment_133921" align="alignnone" width="640"]
Foto DİN[/caption]
