Bakının Sabunçu rayonu, Balaxanı, Sabunçu və Ramana qəsəbələrində narkotik vasitə satan şəxslər saxlanılıblar. Bu haqda bu gün, 10 fevral tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Sabunçu Rayon Polis İdarəsinin 12-ci Polis Şöbəsinin əməkdaşları tərəfindən keçirilən əməliyyatlar zamanı Azər Abbasov, Dadaş Dadaşov, Eldəniz Qəhrəmanov və Ramiz Təhməzov saxlanılıblar. Onların üzərində və yaşadıqları evlərdə 5 kiloqrama yaxın heroin aşkar olunub.
Araşdırma zamanı həmin şəxslərin hər birinin sosial şəbəkələr vasitəsilə narkotik vasitələrin onlayn satışı ilə məşğul olan, İranda yaşayan həmin ölkənin vətəndaşları ilə əlbir olduğu müəyyən edilib. Saxlanılan şəxslərin pul müqabilində narkotik vasitələrin çatdırılması təklifi ilə razılaşdıqları müəyyən edilib.
