Bakının Sabunçu rayonu ərazisində 3 əməliyyat nəticəsində narkotik vasitələrin satışı ilə məşğul olan və qanunsuz olaraq odlu silah-sursat saxlayan şəxslər saxlanılıblar. Bu haqda bu gün, 11 fevral tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Sabunçu Rayon Polis İdarəsinin əməkdaşları tərəfindən narkokuryerliklə məşğul olan Həmid Həmidzadə saxlanılıb. Onun üzərində 2 kiloqrama yaxın heroin aşkar edilib. Həmidzadə sosial şəbəkələr vasitəsilə İran vətəndaşları ilə tanış olub və ona pul müqabilində edilən narkokuryerlik təklifinə razılıq verib.
Növbəti əməliyyat zamanı narkotik vasitələrin qanunsuz dövriyyəsi ilə məşğul olan Əliyulla Hadıyev saxlanılıb. Onun üzərində və evində 4 kiloqramdan artıq marixuana aşkar edilib.
Sabunçu Rayon Polis İdarəsinin 42-ci Polis Bölməsi əməkdaşlarının həyata keçirdikləri əməliyyat zamanı Cavanşir Mövlanzadə saxlanılıb. Onun üzərindən 2 kiloqrama yaxın heroin, marixuana ələ keçirilib. Baxış zamanı “Kalaşnikov” markalı avtomat, 11 ədəd patron və həmin silaha aid patron darağı aşkar edilib.
Hər üç faktla bağlı araşdırmalar aparılır.
[caption id="attachment_90356" align="alignnone" width="640"]
Foto Daxili İşlər Nazirliyi[/caption]
