Sumqayıt - Bakı qatarında maraqlı hadisə baş verib. Bu haqda bu gün, 21 oktyabr tarixində Report məlumat yayıb.
Biznes klas vaqonlarına tutumdan artıq bilet satıldığından, 15 nəfər ayaq üstə yol getməyə məcbur olub.
Bələdçilərin sözünə görə, reysə təzəlikcə Bakı - Gəncə qatarının biznes-klas vaqonları qoşulub. Ancaq oturacaq sayı Sumqayıt - Bakı qatarının vaqonları kimi hesablanıb. Nəticədə belə vəziyyət yaranıb. Onlar rəhbərliyə məlumat verdiklərini də əlavə ediblər.
Sumqayıt - Bakı qatarında biznes-klas vaqonunda gediş haqqı 2 manat, adi vaqonda gediş haqqı isə 1 manatdır.
