Suraxanı rayonunda yeniyetmələr uşağı döyüblər. Bu haqda bu gün, 13 oktyabr tarixində Bakuplus.az APA-ya istinadən xəbər verir.
Səttar Bəhlulzadə, 2 ünvanında yaşayan 12 yaşlı Yusif Mahmudov 11-ci sinif şagirdləri tərəfindən döyüldüyünü iddia edir. Ondan 3-4 il böyük məktəblilər onu vəhşicəsinə döyərək, xəsarətlər yetiriblər.
“Biz onlarla futbola baxmağa gedirdik. Oyundan öncə supermarketə girdik. İçəridə qaçdığımıza görə mühafizəçi bizi həmin uşaqlara tapşırdı. Onlar da buna görə bizi 3 dəfə fərqli yerdə döydülər”, – deyə azyaşlı bildirib.
Zərərçəkənin anası bildirib ki, məktəblilərin ailəsi ilə də danışmağa cəhd edib, ancaq heç bir nəticəyə əldə edə bilməyib. Daxili İşlər Nazirliyindən məsələdən xəbərdar olduqları və araşdırmanın davam etdiyi qeyd edilib.
