Bakının Suraxanı rayonu, Zığ qəsəbəsində yanan evdən meyit tapılıb. Bu haqda bu gün, 16 mart tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
Rayon ərazisində yerləşən 100 kv.m-lik ikimərtəbəli evdə 40 kv.m sahədə yanar konstruksiyalar külə dönüb. Hadisə yerinə cəlb olunan FHN əməkdaşları yanğın yerinin kəşfiyyatı zamanı 50 yaşlı Oleq Qaydamakinin yanmış meyitini aşkar ediblər. Meyit morqa təhvil verilib. Yanğın söndürülüb.
Fakt üzrə Fövqəladə Hallar Nazirliyinin Əməliyyat-İstintaq İdarəsi araşdırma aparır.
