Paytaxtın Suraxanı rayonu, Hövsan qəsəbəsində, narkotik aludəçisi avtoqəza törədib. Bu haqda bu gün, 23 fevral tarixində Bakuplus.az Daxili İşlər Nazirliyinə istinadən xəbər verir.
Bakı sakini Anar İsmayılov “Toyota” markalı avtomobil ilə qəzaya düşüb. Aparılan araşdırma zamanı sürücünün narkotik təsiri altında olduğu məlum olub. Onun üzərində heroin də aşkar olunub.
A.İsmayılov narkotik qəbul edərək avtomobil sürdüyünü etiraf edib. Faktla bağlı cinayət işi başlanılıb.
