Xəzər rayonunda ölümlə nəticələnən yol qəzası baş verib. Bu haqda bu gün, 25 sentyabr tarixində Bakuplus.az APA-ya istinadən xəbər verir.
Hadisə rayonun Türkan qəsəbəsində baş verib. 23 yaşlı Musa Məmmədov idarə etdiyi “Prius” markalı avtomobillə hərəkətdə olan zaman idarəetməni itirib və “Man” markalı yük maşınına çarpılıb. Nəticədə sürücü M.Məmmədov hadisə yerində dünyasını dəyişib. 21 yaşlı Elmir Mehdizadə, 23 yaşlı Orxan Babazadə, 21 yaşlı Siyasət Hüseynov və 20 yaşlı Elşad Şahbazzadə ağır bədən xəsarətləri alıblar.
Faktla bağlı cinayət işi başlanılıb.
