Taksi sürücülərinə qarşı dələduzluq edən şəxs saxlanılıb. Bu haqda bu gün, 11 dekabr tarixində Bakuplus.az Daxili İşlər Nazirliyinə istinadən xəbər verir.
Əvvəllər məhkum olunmuş 40 yaşlı Hafiz Mahmudov müxtəlif vaxtlarda sərnişin kimi oturduğu taksilərdə ödəniş kimi üzərində “etibarsız” yazılan 50 və 100 manatlıq əsginaslar verərək, qalığının qaytarılmasını istəyirdi. Bu yolla o, ümumilikdə 2072 AZN pul mənimsəyib.
Keçirilən əməliyyat zamanı şübhəli şəxs saxlanılıb. Onun üzərindən üzərində “etibarsız” yazılan 50, 100 və 200 AZN-lik saxta əsginaslar aşkar edilərək götürülüb.
Sözügedən şəxsin qanunsuz əməllərindən zərər çəkən başqa vətəndaşlar varsa, polis orqanlarına müraciət edə bilərlər.
