Bakının mərkəzində yanğın olub. Bu haqda 12 iyul tarixində Bakuplus.az Fövqəladə Hallar Nazirliyinə istinadən xəbər verir.
Səbail rayonu, H.Z.Tağıyev küçəsində rabitə quyusunda partlayış baş verib. Hadisə yerinə FHN-in Dövlət Yanğından Mühafizə Xidmətinin yanğından mühafizə bölmələri cəlb olunub. İlkin məlumata görə, yanğın yeraltı kommunikasiya xətlərində olub. Hadisə zamanı küçənin bəzi hissələrinə elektrik enerjisinin verilişi dayandırılıb.
Yanğın FHN-in əməkdaşları tərəfindən söndürülüb. Hazırda hadisənin hansı səbəbdən baş verdiyi araşdırılır.
Yenilənib: 12:25
“Bakı şəhərinin Səbail rayonu, H.Z.Tağıyev küçəsində baş vermiş partlayışın və yanğının qaz sızması ilə əlaqəsi yoxdur. Hadisənin başvermə səbəbi müvafiq qurumlar tərəfindən araşdırılır”, - “Azəriqaz” İB-nin baş direktoru Ruslan Əliyev bildirib.
Qurumun qəza xidməti tərəfindən hadisə yeri tam araşdırılıb və qaz sızması aşkarlanmayıb.
