Bakının Xəzər rayonu, Şüvəlan qəsəbəsindəki “Gənc Kosmonavt” düşərgəsi adlanan ərazidə güclü külək nəticəsində qurumuş ağac aşıb. Nəticədə Zaur Yusifzadəyə məxsus mənzilin hamam hissəsi sıradan çıxıb. Bu haqda bu gün, 13 oktyabr tarixində Bakuplus.az Xəzər Xəbər-ə istinadən məlumat verir.
Yerli sakinlər bu ərazidə daha 40-a yaxın belə ağacın olduğunu bildiriblər. Vətəndaşların sözlərinə görə, Ekologiya və Təbii Sərvətlər Nazirliyinin Dövlət Ekoloji Ekspertiza Agentliyi onların kəsilməsinə qərar versə də, ağaclar hələ də yerində qalıb.
Çəkiliş zamanı Bakı Şəhəri Yaşıllaşdırma Təsərrüfatı Birliyi əməkdaşlarının qurumuş ağacları kəsməyə başladıqları barədə məlumat verilib.
