Bakıda xalası oğlunu qətlə yetirməkdə təqsirləndirilən 31 yaşlı Yusif İsmayılovun cinayət işi üzrə məhkəmə prosesi yekunlaşıb.
Unikal xəbər verir ki, Bakı Ağır Cinayətlər Məhkəməsində keçirilən prosesdə prokuror İsmayılov üçün 18 il cəza tələb edib. Yusif İsmayılovun vəkili müdafiə çıxışı üçün vaxt məhkəmədən vaxt istəyib.
Proses sentyabrın 10-da davam etdiriləcək.
Qeyd edək ki, hadisə bu ilin yanvar ayında Səbail rayonunda Bayıl qəsəbəsində baş verib. Yusif İsmayılov mübahisə zamanı xalası oğlu Etibar Fətəliyevi bıçaqlayaraq öldürüb. Etibar Fətəliyev təcili yardım avtomobili ilə xəstəxanaya aparılarkən qanaxmadan yolda dünyasını dəyişib.
Etibar Fətəliyev 44 günlük Vətən müharibəsinin də iştirakçısı olub. O, göstərdiyi şücaətlərə görə, “İgidliyə görə”, “Cəsur döyüşçü”, “Kəlbəcərin azad olunmasına görə” medalları ilə təltif olunub
