Bakıda bank kartlarından oğurluqlarda şübhəli bilinən şəxs saxlanılıb. Bu haqda bu gün, 29 noyabr tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Polisə daxil olan məlumata əsasən, iki nəfərin kart hesablarından 920 manat və 1200 avro oğurlanıb. Bakı Şəhər Baş Polis İdarəsi əməkdaşlarının daxil olan məlumatlar əsasında keçirdikləri əməliyyat tədbirləri nəticəsində əməli törətməkdə şübhəli bilinən Raul Əmrahov saxlanılıb.
Araşdırma zamanı onun TikTok-da “@gizlikamerasatisi” adlı səhifə yaradaraq sosial şəbəkə istifadəçilərinə qarşı qanunazid hərəkətlərə yol verdiyi məlum olub.
Əmrahovun əməllərindən zərər çəkən şəxslər varsa, polis orqanlarına müraciət edə bilərlər.
[video width="1920" height="1080" mp4="https://bakuplus.az/storage/photos/2023/11/sequence-01_17.mp4"][/video]
