Bakının Xətai rayonunda avtoxuliqanlıq edən sürücü saxlanılıb. Bu haqda bu gün, 15 avqust tarixində Bakuplus.az Avtosfer.az-a istinadən xəbər verir.
Paytaxt sakini İ.Hüseynov idarə etdiyi “VAZ” markalı avtomobillə adıçəkilən rayon ərazisində avtoxuliqanlıq edərək video çəkib və sosial şəbəkələrdə paylaşıb. Bu səbəbdən o, Dövlət Yol Polisin (DYP) əməkdaşları tərəfindən saxlanılıb.
Sürücü barəsində inzibati protokol tərtib edilib. Toplanmış materiallar baxılması üçün məhkəməyə göndərilib.
