Bakının Xətai rayonunda quldurluq hadisəsi baş verib. Bu haqda bu gün, 7 may tarixində Bakuplus.az Daxili İşlər Nazirliyinə (DİN) istinadən xəbər verir.
Polis şöbəsinə verilən məlumata görə, dəmir yolu ərazisində bir nəfər şəxsə qarşı quldurluq əməli törədilib.
Araşdırma zamanı məlum olub ki, həmin şəxs döyülüb və ona kəsici alətlə xəsarət yetirilib. Sonra isə onun telefonu talanıb və həmin telefonundakı tətbiq vasitəsilə 367 manat dəyərində alış-veriş edilib.
Polis əməkdaşlarının keçirdikləri tədbirlər nəticəsində əməli törətməkdə şübhəli bilinən Nihad Abasov və Namiq Sadiqi saxlanılıblar.
Yaralıya xəstəxanada ilkin tibbi yardım göstərilib.
Faktla bağlı araşdırma aparılır.
