Bakının Xətai rayonu, N.Əliyev küçəsindəki mənzillərin birində 38.750 manat pul oğurlayan qadın saxlanılıb. Bu haqda bu gün, 17 fevral tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Polisə daxil olan məlumata görə, ötən il dekabrın 28-dən cari il fevralın 14-nə qədər olan müddət ərzində seyfdən, gizli saxlanc yerindən və əl çantasından hissə-hissə olmaqla ümumilikdə 38.750 manat talanıb.
Xətai Rayon Polis İdarəsinin əməkdaşları tərəfindən keçirilən tədbirlər nəticəsində həmin mənzildə xadimə işləyən Ləman Cahangirova şübhəli şəxs qismində saxlanılaraq istintaqa təhvil verilib. Hadisə ilə bağlı cinayət işi açılıb.
