Xətai rayonunda taksi işləyən sürücüdə narkotik aşkarlanıb. Bu haqda bu gün, 10 yanvar tarixində Bakuplus.az Daxili İşlər Nazirliyinə istinadən xəbər verir.
Keçirilən əməliyyat zamanı Bakı şəhər sakini, əvvəllər məhkum olunmuş Elçin Cəfərov saxlanılıb. Onun idarə etdiyi “Prius” markalı avtomobildə 10 kiloqramdan artıq heroin aşkar olunub. Şübhəli şəxsin taksi fəaliyyəti adı altında narkotacirliklə məşğul olduğu məlum olub.
Keçirilən digər əməliyyat zamanı paytaxt sakini, 40 yaşlı Ceyhun Abbasquliyev saxlanılıb. Ondan 2 kiloqrama yaxın marixuana tapılıb.
Hər 2 faktla bağlı cinayət işi açılıb. Araşdırmalar davam edir.
