Xətai rayonunda kuryerlərdən narkotik tapılıb. Bu haqda bu gün, 4 iyun tarixində Bakuplus.az Daxili İşlər Nazirliyinə istinadən xəbər verir.
Keçirilən əməliyyat zamanı Bakı şəhər sakinləri Osman Məmmədov, Şəmsəddin Abdullayev və Elşən Əskərov saxlanılıblar. Onlarda 11 kiloqram heroin, marixuana və metamfetamin aşkar edilib. Həmin şəxslər pul qarşılığında narkotikləri paytaxtın müxtəlif ünvanlarına yerləşdirirdilər.
Ümumilikdə adıçəkilən rayon ərazisində son 1 ayda narkotik dövriyyəsi ilə bağlı 57 fakt qeydə alınıb, 34 kiloqram narkotik dövriyyədən çıxarılıb.
