Bakıda 16 yaşlı gənci öldürən Sumqayıt sakini tutulub. Bu haqda BakuPlus.az DİN-ə istinadən bu gün, 26 noyabr tarixində xəbər verir.
Noyabrın 26-da saat 17 radələrində paytaxtın Xəzər rayonu, Şağan qəsəbəsində yerləşən idman arenasında 16 yaşlı Yevlax rayon sakini Turan Rüstəmovu öldürməkdə şübhəli bilinən 20 yaşlı Sumqayıt şəhər sakini Ruslan Səfixanov saxlanılıb.
Ruslan Turanı şəxsi münasibətlər zəminində aralarında yaranan mübahisə zamanı bıçaqla xəsarətlər yetirərək öldürüb.
Araşdırmalar davam etdirilir.
